Kvöldstund í helvíti

Já ég er heldur betur ekki ánægður í dag. Í gærkvöldi gerði ég mína fyrstu tilraun í háa herrans tíð til að gera mér skemmtilega kvöldstund. Það er ekki oft sem ég fer úr íbúðinni minni og fæ ég yfirleitt sendar matvörur í mín heimahús, svo ekki þurfi ég að versla með almúganum með hórdóm og æsing fyrir augunum.

Ákvað ég að gera mér glaðan dag í gærkveldi og fara á Jólahlaðborð, ég er matgæðingur hinn mesti og hef aldrei prufað að fara á slík hlaðborð. Reyndar stundaði ég hlaðborðin grimmt á mínum yngri árum er ég var búsettur í Bangkok og var þar í uppáhaldi hjá mér veitingastaðurinn á toppi Bayoke Tower II, en það er ríflega 80 hæða bygging í miðri Bangkok. Býr sá skemmtilegi veitingastaður yfir þeim hæfileika að snúast líkt og Perlan hér á Íslandi gerir, og sér maður því yfir borg englanna, eða Krun Threp eins og tælendingarnir kalla hana, frá öllum sjónarhornum. Og er það mikilfengleg sjón að sjá yfir 500 ára gömul búddahof, konungshöllina mikla, ys og þys borgarinnar og hið mikla Chayo Phray fljót til skiptis svo eitthvað sé nefnt.

Fór ég í Perluna með því hugarfari að uppflifa eitthvað svipað en sú varð heldur betur ekki raunin.  Er ég mætti þarna í veitingarsalinn bauðst kom að mér dóglslegur maður og bað um frakkan minn. Tók ég mig að sjálfsögðu til og löðrungaði karlfjandann. Enda hélt ég að þarna væri verið að stela af mér frakkanum. Var þetta til þess að allt varð vitlaus að laust hann að mér með höggi. Ég vék mér undan þessu höggi og svaraði með hægri hendi og strax á eftir vinstri upphöggi sem setti dusilmennið á bakið. Var við þetta hringt á lögregluna og endaði kvöldið þannig að ég var teymdur út í járnum! Að sjálfsögðu eru gjörspiltir lögregluþjónar Íslands enn við sama heygarðshornið og þeir voru fyrir 10 árum síðan er ég stundaði skemmtanarlífið hér grimmt. Og þurfti ekki annað en að lauma einu seðlabúnti á þá til að sleppa úr þessari krísu.

 Ég fékk þá til að skutla mér heim þar sem ég pantaði mér flatböku. Nú mun ég vinna að því að fá Jólahlaðborðið endurgreitt enda fékk ég aldrei að bragða á matnum!